Skemmtilegt atvik

 Ég semsagt vaknaði eiturhress í morgun um hálf áttaleitið, skellti mér í sturtu, blés svo og slétti á mér hárið, málaði mig eftir listarinnar reglum og var við það að hlaupa útum dyrnar og bruna í vinnuna þegar að mér sótti lítil hugsun,  "bíddu, ætluðu foreldrar mínir ekki að koma í bæinn á sunnudag, hmmmmm...". Ég kíkti aðeins betur á síman minn og viti menn ... það er barasta sunnudagur, ég á ekki að mæta í vinnu fyrr en á morgun! Það er þó bót í máli að ég hef aldrei verið jafn sæt á sunnudagsmorgni án þess að hafa ástæðu til ( raunast er ég venjulega steinsofandi á þessum tíma)  ... alltaf gaman að slá persónuleg met